Gotik

Hochgotischi Kathedrale Notre-Dame de Reims, es Muschter vo de französische Gotik

D Gotik isch e Epoche vo de europäische Architektur und Chunscht vom Hoch- und Spootmittelalter. Si isch öppe um 1140 i de Region Île-de-France i de Umgäbig vo Paris zum erschte Mal uffchoo und i de nördliche Gägende hät me so bi bis 1550 buut. De früenrig dominierendi Buu- und Kunschtstil sait me Romanik, de schpötere Renaissance. I de Nachgotik hät de gotischi Buustil au noo länger bis i d Barockziit wiiter gläbt. De gotischi Stil isch numme i de Architektur gnau bestumme. I de Bildhauerii und i de Malerii chamme das nöd gnau säge.

Die gotischi Kunst het die christligi Ideäwält bildlig usdruckt mit de Mittel vo dr Symbolik und dr Allegorii. Bsundrigs stoot uuse die gotischi Kathedrale, wo as Gsamtkunstwärk d Archidektuur, d Blastik und d (Glaas-)Moolerei vom Middelalter in sich veräinigt.