Musa

Na mitoloxía griega, les muses (en griegu antiguu μοῦσαι «mousai») yeren, según los escritores más antiguos, les divinidaes inspiradores de la música y l'arte, que presidíen los distintos tipos de poesía. Caúna d'elles taba rellacionada con cañes artístiques y de la conocencia. Na dómina más arcaica yeren les ninfes inspiradores de les fontes, nes cualos yeren adoraes. Finalmente, alredor de los sieglos VII-VIII e.C. prevaleció en tol territoriu de la hélade l'adoración de les nueve Muses, siendo entós Calíope, Clío, Erato, Euterpe, Melpómene, Polimnia, Talía, Terpsícore y Urania, fíes de Zeus y compañeres de Apolo, dios de la música y patrón de les belles artes. El cultu a les muses yera orixinalmente de Tracia y Beocia, y fueron de vital importancia pal desenvolvimientu artísticu na antigua Grecia