CGS-Einheitensystem

S cgs-Äihäitesüsteem (us em Änglische „centimetre gram second“) isch e metrischs, koheränts Äihäitesüsteem wo uf de Äihäite Santimeter, Gramm und Sekunde basiert. D cgs-Äihäite vo dr Mechanik lön sich äidütig us dene Basisäihäite abläite, es existiere aber meereri konkurrierendi Erwitrige vom CGS-Süsteem für elektromagnetischi Äihäite. Die vier Wariante, wo am witiste verbräitet si, sin:

• s elektromagnetische CGS-Äihäitesüsteem (EMU),
• s elektrostatische CGS-Äihäitesüsteem (ESU),
• s Gaußsche Äihäitesüsteem und
• s Heaviside-Lorentz-Äihäitesüsteem.

Vo Bedütig isch hüte nume no s gaußsche Äihäitesüsteem, mit „CGS-Äihäit“ isch in dr modärne Litratuur mäistens e gaußschi CGS-Äihäit gmäint.