Willy Astor

Willy Astor (2006)
Willy Astor und de Spider Murphy Gang (2006)

Willy Astor (Wilhelm Gottfried Astor) (* 6. Septemba 1961 z Minga) is a boarischa Kabarettist, Musikant und Komponist. Original hoaßt a eignli Wilhelm Gottfried.

Bekannt is da Astor in de friaan 1990a Joar vor oim duach seine wortspuiarischn Kabarett-Numman worn. A Beispui dafia is Radkäppchen und der böse Golf, wo a s Meachn vom "Rotkäppchen" (Rotkappal) unta Vawendung vo Autotein und -markn vazejd. Dees wendd a aa in seina Musi o, wia in See-Haus in the Freising sun (Parodie af The House of the Rising Sun a oids amerikanisches Liad, ba uns duach de Animals bekannt worn) oda in Bello Immobilie (ba da Gianna Nannini: Bello e impossibile).

Mit sein Wortspuiarein is a inzwischn ba Bayern 3 mit am Komediantn-Beitrog (denglisch "Comedy") jede Woch vatretn (Titel: Willys Wortstudio, oglahnt ans "das aktuelle Sportstudio").